XI Certame de fotografía comercial do Parque Empresarial Do Milladoiro

Durante o último trimestre do ano, a AEPEM deseña e organiza un certame fotográfico que culminará coa gala de entrega de premios o 18 de decembro, onde o público poderá ver as obras presentadas e contemplar a realidade económica máis próxima. Un dos obxectivos fundamentais da asociación é dar a coñecer e difundir a capacidade creativa e o potencial da contorna excepcional. Búscase a implicación activa na dinamización cultural de Ames e o compromiso coas manifestacións artísticas máis diversas. O escenario son as rúas e empresas do parque empresarial, que se converten nun marco singular para dar protagonismo á creación artística, ao fotógrafo (profesional ou afeccionado) e ao espazo singular, así como ás sinerxias que entre eles se producen.

O prazo para a presentación das obras comezará o 27 de outubro e finalizará o 30 de novembro de 2025.